മാനന്തവാടി: കോവിഡ് വ്യാപനം പ്രവചനങ്ങൾക്കു മീതെ നമ്മുടെ പരിസരങ്ങളിലും എത്തിയിരിക്കുകയാണ്. ഏത് നിമിഷവും എവിടെയും എത്താം , സമ്പർക്കരോഗം കൂടി കൂടി വരുന്ന പുതിയ സാഹചര്യത്തിൽ ഭയരഹിത ജാഗ്രത ശക്തമാക്കണമെന്ന് ഡോ.ഗോകുൽ ദേവ് പറഞ്ഞു.
നമ്മുടെ നാട്ടിൽ ഹോട്ട്സ്പോട്ട് ഇല്ലല്ലോ,കണ്ടൈൻമെൻറ് സോൺ അല്ലല്ലോ എന്നൊക്കെ കരുതി ആരും നിർദ്ദേശങ്ങളെ നിസാരമായി കാണരുത്. സ്ഥിതി വളരെ ഗുരുതരമായി വരികയാണ്. നമ്മുടെ ഏറ്റവും അടുത്ത സമീപ പ്രദേശങ്ങളിലെല്ലാം എത്തിക്കൊണ്ടിരിക്കുന്നു. അതിവേഗത്തിലാണ് കൊറോണ വൈറസ് വ്യാപിച്ചു കൊണ്ടിരിക്കുന്നത് .
ഇനിയങ്ങോട്ട് അധികൃധർ റൂട്ട് മാപ്പുകൾ പ്രസിദ്ധീകരിക്കുന്നതൊക്കെ അപ്രായോഗികമാണ്. നമ്മൾ പോകുന്ന വഴികൾ എല്ലാം റൂട്ട് മാപ്പുകൾ ആണന്നു കരുതി സ്വയം ശ്രദ്ധിക്കുക, സാമൂഹ്യ അകലം, മാസ്ക്, സോപ്പ് ഉപയോഗിച്ചുള്ള കൈകഴുകൽ തുടങ്ങിയവ അതിന്റെ പൂർണ്ണതയിൽ ചെയ്യുവാൻ എല്ലാവരും സന്നദ്ധരാവണമെന്നും അദ്ദേഹം ഉണർത്തി.
