ഗായകന്‍ വിജയ് യേശുദാസ് സഞ്ചരിച്ച കാര്‍ അപകടത്തില്‍പ്പെട്ടു. ദേശീയ പാതയില്‍ തുറവൂര്‍ ജംഗ്ഷനില്‍ മറ്റൊരു വാഹനവുമായി കൂട്ടിയിടിച്ചാണ് അപകടം ഉണ്ടായത്. ഇന്നലെ രാത്രി 11.30 നായിരുന്നു അപകടം. വിജയ് യേശുദാസ് ആണ് കാര്‍ ഓടിച്ചിരുന്നത്.തിരുവനന്തപുരത്ത് നിന്നും കൊച്ചിയിലേക്ക് സുഹൃത്തുമായി കാറില്‍ പോവുകയായിരുന്നു. തൈക്കാട്ടുശേരി ഭാഗത്ത് നിന്ന് മറ്റൊരു കാര്‍ ദേശീയ പാതയിലേക്ക് കയറിയപ്പോഴാണ് അപകടം ഉണ്ടായത്.അപകടത്തില്‍ ഇരു കാറുകളുടെ മുന്‍ഭാഗം തകര്‍ന്നു. ആര്‍ക്കും പരിക്കില്ല. കുത്തിയതോട് പൊലീസ് എത്തി വാഹനങ്ങള്‍ റോഡരികിലേക്ക് മാറ്റി.

ബിജെപി സംസ്ഥാന അധ്യക്ഷന്‍ കെ സുരേന്ദ്രനെിരെ രൂക്ഷ വിമർശനവുമായി ബിജെപി മുന്‍ സംസ്ഥാന ഉപാധ്യക്ഷന്‍ പിഎം വേലായുധന്‍. സുരേന്ദ്രന്‍ വാക്കുപാലിച്ചില്ലെന്നും തന്നെ വഞ്ചിച്ചെന്നും വേലായുധന്‍ പറഞ്ഞു. കെ സുരേന്ദ്രന്‍ അധ്യക്ഷനായി എത്തിയാല്‍ തന്നെയും ശ്രീശനേയും ഉപാധ്യക്ഷസ്ഥാനത്ത് തുടരാന്‍ അനുവദിക്കുമെന്ന് പറഞ്ഞിരുന്നെന്നും ഈ വാക്ക് പാലിക്കപ്പെട്ടില്ലെന്നും ക്ലോസ് എന്‍കൗണ്ടര്‍ പരിപാടിയിൽ സംസാരിക്കവെ വേലായുധന്‍ പറഞ്ഞു.കേന്ദ്രകമ്മിറ്റിയില്‍ നിന്ന് അധ്യക്ഷസ്ഥാനത്തേക്ക് രണ്ട് പേരെയാണ് നിര്‍ദേശിച്ചത്. സുരേന്ദ്രനെ സഹായിക്കണമെന്ന് തങ്ങളോട് ആവശ്യപ്പെട്ട പ്രകാരം പ്രവര്‍ത്തനങ്ങള്‍ നടത്തിയിട്ടും സ്ഥാനമാനങ്ങള്‍ പ്രഖ്യാപിച്ചപ്പോള്‍ തന്നെ തഴഞ്ഞുവെന്ന് വേലായുധന്‍ […]