Month: July 2023

പഞ്ചാബില്‍ വെച്ച് കെട്ടിടത്തില്‍ നിന്നും വീണ് മരിച്ച തലപ്പുഴ പുതിയിടം സ്വദേശി ഹവില്‍ദാര്‍ ജാഫറിന്റെ വീട്ടില്‍ മന്ത്രി കെ. രാധാകൃഷ്ണന്‍ സന്ദര്‍ശനം നടത്തി. കുടുംബാംഗങ്ങളെ നേരില്‍ കണ്ട് മന്ത്രി ആശ്വസിപ്പിച്ചു. ഒ.ആര്‍ കേളു എം.എല്‍.എ, വാര്‍ഡ് മെമ്പര്‍ ലൈജി തോമസ് തുടങ്ങിയവര്‍ മന്ത്രിയോടൊപ്പമുണ്ടായിരുന്നു.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, കുടുംബശ്രീ മിഷന്‍ വയനാട്, മാനന്തവാടി ബ്ലോക്ക് പഞ്ചായത്ത് എന്നിവയുടെ സംയുക്ത ആഭിമുഖ്യത്തില്‍ ‘ഉന്നതി 2023-24’ ഏകദിന പരിശീലനം മാനന്തവാടി ബ്ലോക്ക് പഞ്ചായത്ത് ട്രൈസം ഹാളില്‍ സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബി പരിശീലന പരിപാടി ഉദ്ഘാടനം ചെയ്തു. തൊഴിലുറപ്പുപദ്ധതിയില്‍ നൂറു തൊഴില്‍ ദിനം പൂര്‍ത്തിയാക്കിയ കുടുംബങ്ങളിലെ താത്പര്യമുള്ള അംഗങ്ങള്‍ക്ക് സ്വയം തൊഴില്‍ സംരംഭകരാകാനുള്ള അവസരമൊരുക്കുന്ന പരിശീലനമാണിത്. കെ.പി പ്രീത പദ്ധതി വിശദീകരണം നടത്തി. വൈസ് പ്രസിഡന്റ് എ.കെ ജയഭാരതി, […]

പനമരം നീരട്ടാടി സ്വദേശി ചേലാംമ്പ്ര വീട്ടിൽ മുസ്തഫയുടെ മകൻ ഷനുബ് (28) ആണ് മരിച്ചത്. ഇന്നലെ ജോലി കഴിഞ്ഞ് താമ സ്ഥലത്തേക്ക് പോകുന്ന വഴി കരുനാഗപ്പള്ളിയിൽ റെയിൽവെ ക്രോസ് കടക്കുന്നതിനിടയിലാണ് അപകടം.രാത്രി 8.30തോടെയാ ണ് അപകടം.കരുനാഗപ്പളളിയിൽ ബേക്കറിയിൽ ജോലി ചെയ്ത് വരികയായിരുന്നു ഷനൂബ്.

മാനന്തവാടി : കുടുംബശ്രീ ജില്ലാമിഷന്റെയും സാധിക എം.ഇ.സി ഗ്രൂപ്പിന്റെയും ആഭിമുഖ്യത്തിൽ മാനന്തവാടി ഡേ മാർട്ടിൽ നടക്കുന്ന ചക്ക മഹോത്സവം ഇന്ന് അവസാനിക്കും. ചക്കയുടെ ഉൽപ്പന്ന പ്രദർശന വിപണന മേളയിൽ ചക്കയുടെ അൻപതോളം വിഭവങ്ങളാണ് ഭക്ഷണ പ്രേമികൾക്കായി ഒരുക്കിയിട്ടുള്ളത്.

മാനന്തവാടി: ഡിജിറ്റലി കണക്ടഡ് ട്രൈബല്‍ ഏരിയ പദ്ധതിയുടെ ഭാഗമായി ഇന്ന് (ജൂലൈ 29 ശനിയാഴ്ച) മാനന്തവാടി മേരിമാത കോളേജില്‍ ഗോത്രവിഭാഗക്കാര്‍ക്കായി നടത്തുന്ന ജീവിത ശൈലി രോഗനിര്‍ണയ ക്യാമ്പും ബോധവല്‍ക്കരണ ക്ലാസും മന്ത്രി കെ രാധാകൃഷ്ണന്‍ ഉദ്ഘാടനം ചെയ്യും. രാവിലെ 10.30ന് ആണ് പരിപാടി. ഒ.ആര്‍ കേളു എംഎല്‍എ അധ്യക്ഷതവഹിക്കും.ഡിജിറ്റലി കണക്ടഡ് ട്രൈബല്‍ ഏരിയ പദ്ധതിയുടെ ഭാഗമായി നിയമിക്കുന്ന നേഴ്സുമാര്‍, എന്‍ജിനിയര്‍മാര്‍, മറ്റുജീവനക്കാര്‍ എന്നിവര്‍ക്കുള്ള നിയമന ഉത്തരവും ചടങ്ങില്‍ കൈമാറും.