കൽപ്പറ്റ:കെ റെയിലിനെതിരെ പാർലമെന്റിലേക്ക് മാർച്ച് നടത്തിയ കേരളത്തിലെ യൂ ഡി എഫ് എംപിമാരെ മർദ്ദിച്ച ഡൽഹി പോലീസിന്റെ നടപടിയിൽ പ്രതിഷേധിച്ചു കൊണ്ട് കൽപ്പറ്റ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും യോഗവും നടത്തി. മണ്ഡലം പ്രസിഡണ്ട് ഗിരീഷ് കൽപ്പറ്റ അധ്യക്ഷനായിരുന്നു. കെപിസിസി നിർവാഹകസമിതി അംഗം പി പി ആലി യോഗം ഉദ്ഘാടനം ചെയ്തു. കെ കെ രാജേന്ദ്രൻ, പി വിനോദ് കുമാർ, സെബാസ്റ്റ്യൻ കൽപ്പറ്റ, ഹർഷൽ കൊന്നാടൻ, എംപി മജീദ്, സലീം കാരാടൻ, സന്തോഷ് കൈനാട്ടി തുടങ്ങിയവർ സംസാരിച്ചു.
