മേപ്പാടി: രഹസ്യ വിവരത്തെ തുടർന്ന് വയനാട് ജില്ലാ പോലീസ് മേധാവിയുടെ കീഴിൽ പ്രവർത്തിക്കുന്ന ലഹരി വിരുദ്ധ സേനാംഗങ്ങളും മേപ്പാടി അഡീഷണൽ എസ്.ഐ എം.അബ്ദുവും സംഘവും മേപ്പാടി പുതിയ പാടി നെടുംകരണയിൽ നടത്തിയ പരിശോധനയിൽ എസ്റ്റേറ്റ് പാടികളിൽ കഞ്ചാവ് വിൽപ്പന നടത്തിവരുന്ന യുവാവിനെ കഞ്ചാവ് സഹിതം പിടികൂടി. മൂപ്പൈനാട് റിപ്പൺ കാളങ്ങാടൻ കെ.ജംഷീർ (33) ആണ് പിടിയിലായത്. ഇയാളുടെ പക്കൽ നിന്നും 70 ഗ്രാം കഞ്ചാവ് പിടിച്ചെടുത്തു. ഇയാൾക്കെതിരെ എൻ.ഡി.പി.എസ് വകുപ്പ് പ്രകാരം കേസ് രജിസ്റ്റർ ചെയ്തു.
