ഗര്‍ഭിണിയായ നായയെ തേയിലത്തോട്ടത്തില്‍ കെട്ടിയിട്ട് അജ്ഞാതരുടെ ക്രൂരത. കരച്ചില്‍ കേട്ട് നോക്കുമ്പോള്‍ സമീപത്ത് അഞ്ച് കുഞ്ഞുങ്ങളെയും അവശനിലയിലായ നായയെയും കണ്ടെത്തി. പഴയ മൂന്നാര്‍ ഹെഡ്വര്‍ക്സ് ജലാശയത്തിന് സമീപത്തെ തെയിലത്തോട്ടത്തിലാണ് ഗര്‍ഭിണിയായ നായയെ അജ്ഞാതര്‍ കമ്പികൊണ്ട് കഴുത്തില്‍കെട്ടിയിട്ട നിലയില്‍ ഉപേക്ഷിച്ച് പോയത്.
മുന്നുദിവസം മുമ്പ് വീടിന് സമീപത്തെ തെയിലക്കാട്ടില്‍ നായകുഞ്ഞുങ്ങളുടെ ശബ്ദം കേട്ടതിനെ തുടര്‍ന്നാണ് ഭാസ്‌കരനും ബന്ധുക്കളും നായക്കുഞ്ഞുങ്ങളുടെ കരച്ചില്‍ കേട്ട് തെരച്ചില്‍ നടത്തിയത്. ശേഷം, വൈകുന്നേരത്തോടെ തെയിലക്കാട്ടില്‍ അവശനിലയില്‍ കിടക്കുന്ന നായയെ കണ്ടെത്തുകയായിരുന്നു. ഒപ്പം അഞ്ച് കുഞ്ഞുങ്ങളുമുണ്ടായിരുന്നു. ഉടന്‍തന്നെ പട്ടിക്ക് ഭക്ഷണവും കുഞ്ഞുങ്ങള്‍ക്ക് പാലും നല്‍കിയശേഷം കഴുത്തിലെ കമ്പി വെട്ടിമാറ്റാന്‍ ശ്രമം നടത്തിയെങ്കിലും പരാജയപെട്ടു.രണ്ടുദിവസമായി മിണ്ടാപ്രാണിയെ രക്ഷപ്പെടുത്താന്‍ പഞ്ചായത്തിനോടും അഗ്‌നിശമനസേനയോടും ആവശ്യപ്പെട്ടിട്ടും മറുപടി ലഭിച്ചില്ലെന്ന് ഇയാള്‍ പറയുന്നു. കമ്പിയിറുകി കിടക്കുന്നതിനാല്‍ ഇപ്പോള്‍ ഭക്ഷണം കഴിക്കാന്‍പോലും കഴിയാത്ത അവസ്ഥയാണ് നായ ഉള്ളത്. ഇപ്പോള്‍, പട്ടിപിടുത്താക്കാരുടെ സഹായത്തോടെ അധിക്യതര്‍ മിണ്ടാപ്രാണിയെ രക്ഷപ്പെടുത്തണമെന്നാണ് ഉയരുന്ന ആവശ്യം
