കരിപ്പൂർ ദുരന്തം;സഹായം വാഗ്ദാനം ചെയ്ത് ദുബായിലെ ഇന്ത്യന്‍ കോണ്‍സുലേറ്റ്
കരിപ്പൂര്‍ വിമാനാപകടത്തിന്‍റെ പശ്ചാത്തലത്തില്‍ എല്ലാവിധ പിന്തുണകളും വാഗ്ദാനം ചെയ്ത് ദുബായിലെ ഇന്ത്യന്‍ കോണ്‍സുലേറ്റ്. ഇതിന്‍റെ ഭാഗമായി ഇന്ന് രാവിലെ എട്ട് മണിമുതല്‍ തുറന്ന് പ്രവര്‍ത്തിക്കും എന്ന് കോണ്‍സുലേറ്റ് അധികൃതര്‍ അറിയിച്ചിട്ടുണ്ട്. കഴിഞ്ഞ ദിവസം ഉണ്ടായ അപകടം സംബന്ധിച്ചും കേരളത്തിലേക്കുള്ള മടങ്ങിവരവ് സംബന്ധിച്ചും ഉള്ള എന്ത് വിവരങ്ങൾക്കും കോണ്‍സുലേറ്റുമായി ബന്ധപ്പെടാം എന്നാണ് അവര്‍ ഔദ്യോഗിക ട്വിറ്റര്‍ സന്ദേശത്തിലൂടെ അറിയിച്ചത്. അപകടത്തില്‍ മരണപ്പെ ട്ടവരുടെയും പരിക്കേറ്റവരുടെയും കുടുംബാംഗങ്ങള്‍ക്കൊപ്പമാണെന്നും തങ്ങളെക്കൊണ്ടാവുന്ന വിധത്തില്‍ എല്ലാവിധ പിന്തുണയും സഹായവും ഉറപ്പു നല്‍കുന്നുവെന്നും അറിയിച്ചു.
Continue Reading
