വെള്ളമുണ്ടഃ വയനാട്ടിൽ വംശനാശം നേരിടുന്ന പക്ഷികളെ കണ്ടെത്തി സംരക്ഷണ സന്ദേശം നൽകാൻ പക്ഷി നിരീക്ഷണം നടത്തി ലോക് ഡൗൺ ക്രിയാത്‌മകമാക്കുകയാണ് സി.കെ.ജഹാന ഇസ്സത്ത്. തന്റെ വീട്ടിലെ തൊടിയിൽ നിന്ന് ഡസൻ കണക്കിന് പക്ഷികളെ കണ്ടത്തി സവിശേഷതകൾ രേഖപ്പെടുത്തികൊണ്ടിരിക്കുകയാണ്.
ഇതിനകം നടത്തിയ പഠനങ്ങൾ മാധ്യമ ശ്രദ്ധ പിടിച്ചു പറ്റിയിരിക്കുകയാണ്.
കഴിഞ്ഞ എസ്.എസ്.എൽ.സി. പരീക്ഷയിൽ മുഴുവൻ എ പ്ലസ് നേടിയ ജഹാന വെള്ളമുണ്ട വില്ലേജ് ഓഫീസർ സി.കെ.റഷീദ്-സമീറ ദമ്പതികളുടെ മകളാണ്. പഠന പഠ്യേതര രംഗത്ത് മികവ് പുലർത്തുന്ന ജഹാന നാട്ടുകാർക്കും കൂട്ടുകാർക്കുമിടയിൽ ശ്രദ്ധേയമാവുകയാണ്.
