എസ്എസ്എഫ് വയനാട് ജില്ലാ തർതീൽ ;
.ഉമ്മുൽ ഖുറാവിദ്യാർത്ഥിക്ക് ഒന്നാം സ്ഥാനം.
പടിഞ്ഞാറത്തറ: എസ്എസ്എഫ് വയനാട് ജില്ല ‘തർതീൽ ദ ഹോളി ഖുർആൻ പ്രീമിയോ’ വിജയി മുഹമ്മദ് നിഷാദ് വൈത്തിരിയെ പടിഞ്ഞാറത്തറ ഉമ്മുൽ ഖുറയിൽ അനുമോദിച്ചു.
വിശുദ്ധ ഖുർആനിന്റെ പാരായണ- വൈജ്ഞാനിക തലങ്ങളിലേക്ക് വിദ്യാർഥികളെ പ്രോത്സാഹിപ്പിക്കുകയും പ്രാവീണ്യരാക്കുകയും ചെയ്യുന്ന ഖുർആൻ ഫെസ്റ്റിവൽ ആണ് തർതീൽ.
ഉമ്മുൽഖുറ സെക്രട്ടറി അബ്ദുൽ മജീദ് സഖാഫി മൊമെന്റോ കൈമാറ്റവും സ്വാദിഖലി സഖാഫി അരീക്കോട് അനുമോദന പ്രസംഗവും നടത്തിയ ചടങ്ങിൽ ‘ ഖുർആൻ വിസ്മയം ‘ ഡോക്യുമെന്ററി പ്രദർശനവും, ഖുർആൻ ക്വിസ്, വിവിധ ഖുർആനിക വിഷയങ്ങളിലെ പേപ്പർ പ്രസന്റേഷൻ എന്നിവയും നടന്നു.
വൈത്തിരി ചുണ്ടേൽ ഷജീർ റംല ദമ്പതികളുടെ മകനായ മുഹമ്മദ് നിഷാദ് പടിഞ്ഞാറത്തറ ഉമ്മുൽ ഖുറാ കോളേജ് ഡിഗ്രി വിദ്യാർഥിയാണ്.
ഫോട്ടോ :
വയനാട് ജില്ല തർതീൽ മത്സരത്തിൽ ഒന്നാം സ്ഥാനം നേടിയ മുഹമ്മദ് നിഷാദ് മൊമെന്റോ സ്വീകരിക്കുന്നു
