കൽപ്പറ്റ: അന്താരാഷ്ട്ര ഒളിംപിക് ദിനത്തിൽ 50 കിലോമീറ്റർ സൈക്കിൾ റൈഡ് നടത്തി.
ജില്ലാ ഒളിംപിക് അസോസിയേഷനും, വയനാട് ബൈക്കേഴ്സ് ക്ലബ്ബും സംയുക്തമായാണ് റൈഡ് സംഘടിപ്പിച്ചത്. പങ്കെടുത്ത മുഴുവൻ മെമ്പർമാരും ഒളിംപിക് പ്രതിജ്ഞ എടുത്തു. ഏഷ്യൻ മെഡൽ ജേതാവ് ശ്രീ. അബൂബക്കർ ഉദ്ഘാടനം നിർവഹിച്ചു. ഒളിംപിക് അസോസിയേഷൻ ജില്ലാ സെക്രട്ടറി സലീം കടവൻ, വയനാട് ബൈക്കേഴ്സ് ക്ലബ്ബ് പ്രസിഡൻ്റ് ഡോ : സാജിദ്, സെക്രട്ടറി ഷൈജൽ കുന്നത്ത്, ആരിഫ് എന്നിവർ സംസാരിച്ചു. കൽപ്പറ്റയിൽ നിന്ന് ആരംഭിച്ച് മീനങ്ങാടി, പച്ചിലക്കാട്, കൽപ്പറ്റ റൂട്ടിലൂടെ 50 കിലോമീറ്റർ റൈഡ് നടത്തുകയുണ്ടായി.
