മലയാളി സമൂഹത്തിനാകെ വേദനയായി മാറിയ കുവൈറ്റിലെ തീ പിടിത്തത്തിൽ മരിച്ച മലയാളികളുടെ എണ്ണം 25 ആയി. 49 ഇന്ത്യക്കാരും മൂന്ന് ഫിലിപ്പൈൻസ് സ്വദേശികളും അപകടത്തിൽ മരിച്ചു. 23 മലയാളികളുടെ മുഴുവൻ പേര് വിവരങ്ങൾ ലഭ്യമായി. നിലവിൽ 9 പേര് ഗുരുതര അവസ്ഥയിൽ തുടരുന്നു. അതിലും 9 മലയാളികളുള്ളതായി സംശയം. ആശുപത്രിയിലുണ്ടായിരുന്ന 40 പേർ ഡിസ്ചാർജ് ആയി. തിരിച്ചറിഞ്ഞ മൃതദേഹങ്ങൾ നാട്ടിൽ എത്തിക്കാൻ ഉള്ള നടപടികൾ നടക്കുകയാണ്.
ഇന്ത്യക്കാരുടെ മൃതദേഹങ്ങൾ വ്യോമസേനയുടെ സി-130ജെ സൂപ്പർ ഹെർക്കുലീസ് വിമാനത്തിൽ കൊണ്ടുവരും. വിദേശകാര്യസഹമന്ത്രി കീര്‍ത്തിവര്‍ദ്ധന്‍ സിംഗ് കുവൈറ്റില്‍ എത്തിയിട്ടുണ്ട്. വിമാനത്തിന്റെ സമയം, സ്ഥലം സംബന്ധിച്ച വിവരം ലഭിച്ചിട്ടില്ല. നിമിഷം നേരം കൊണ്ട് ഹെൽപ്പ് ഡെസ്ക് തുറക്കാനായത് ലോക കേരള സഭയുടെ പ്രതിഫലനമെന്ന് നോർക്ക ഉദ്യോഗസ്ഥർ അഭിപ്രായപ്പെട്ടു.
