ജില്ലാ സാക്ഷരതാ മിഷന്റെ ആഭിമുഖ്യത്തില്‍ നടന്ന പരിസ്ഥിതി വാരാചരണ പരിപാടിയില്‍ ജില്ലാ ഇന്‍ഫര്‍മേഷന്‍ ഓഫീസര്‍ പി. റഷീദ് ബാബു ജീവനക്കാര്‍ക്ക് പരിസ്ഥിതി പ്രതിജ്ഞ ചൊല്ലി കൊടുത്തു. സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ പി.വി. ശാസ്തപ്രസാദിന്റെ അധ്യക്ഷതയില്‍ നടന്ന പരിപാടിയില്‍ അക്ഷര കൈരളി സാംസ്‌കാരികവേദി കോ-ഓര്‍ഡിനേറ്റര്‍ എം.കെ സ്വയ, പി.വി. ജാഫര്‍ എന്നിവര്‍ സംസാരിച്ചു. വാരാചരണത്തിന്റെ ഭാഗമായി തുല്യതാ സമ്പര്‍ക്ക പഠനകേന്ദ്രങ്ങളില്‍ വൃക്ഷതൈ നടീല്‍, പ്രസംഗം, പ്രബന്ധ മത്സരങ്ങള്‍, പ്രകൃതി പഠന യാത്രകള്‍ എന്നിവ സംഘടിപ്പിക്കും.
