കോഴിക്കോട്: ഈ വർഷത്തെ മാതൃഭൂമി വിഷുപ്പതിപ്പ് സാഹിത്യ പുരസ്കാരങ്ങൾ പ്രഖ്യാപിച്ചു. കവിതാ പുരസ്കാരം വാളാട് സ്വദേശി റഹീമ കെ എ കരസ്തമാക്കി. ‘നാലഞ്ച് ബായക്ക പാഠങ്ങൾ’ എന്ന കവിതയാണ് പുരസ്കാരത്തിന് അർഹമായത്. 25000 രൂപയും പ്രശസ്ത്തി പത്രവുമടങ്ങുന്നതാണ് പുരസ്കാരം. കാലടി ശ്രീ ശങ്കരാചാര്യ സംസ്കൃത സർവകലാശാലയിലെ മലയാളവിഭാഗം ഗവേഷകയായ റഹീമ വാളാട് പുത്തൂർ കോമ്പി ഗഫൂറിന്റെയും റഹ്മത്തിന്റെയും മകളാണ്.
