കോഴിക്കോട്: ലോക്‌സഭ തെരഞ്ഞെടുപ്പ് പ്രഖ്യാപിച്ചതോടെ, രാഷ്ട്രീയ പാര്‍ട്ടികളുടെ കേന്ദ്രനേതാക്കള്‍ കേരളത്തിലേക്കെത്തുന്നു. പ്രധാനമന്ത്രി നരേന്ദ്രമോദി ചൊവ്വാഴ്ച വീണ്ടും സംസ്ഥാനത്തെത്തും. പാലക്കാട് നരേന്ദ്രമോദി റോഡ് ഷോ നടത്തും.
മൂന്നുമാസത്തിനിടെ അഞ്ചാം തവണയാണ് മോദി കേരളത്തിലെത്തുന്നത്. തെരഞ്ഞെടുപ്പ് പ്രഖ്യാപിച്ച ശേഷമുള്ള ആദ്യ സന്ദര്‍ശനമാണ്. ഭാരത് ജോഡോ ന്യായ് യാത്ര പൂര്‍ത്തിയാക്കി കോണ്‍ഗ്രസ് നേതാവ് രാഹുല്‍ഗാന്ധി ഈയാഴ്ച അവസാനത്തോടെ സ്വന്തം മണ്ഡലമായ വയനാട്ടിലെത്തും. രാഹുലിന് വവമ്പന്‍ വരവേല്‍പ്പ് നല്‍കാനാണ് യുഡിഎഫിന്റെ നീക്കം.
തെരഞ്ഞെടുപ്പ് പ്രചാരണത്തില്‍ പൗരത്വഭേദഗതി നിയമത്തില്‍ ശ്രദ്ധയൂന്നാനാണ് ഇടതുപാര്‍ട്ടികളുടെ തീരുമാനം. സിഎഎ ഉയർത്തിക്കാട്ടുക വഴി ഭരണവിരുദ്ധ വികാരത്തെ തടയിടാനാകുമെന്നും എല്‍ഡിഎഫ് കണക്കുകൂട്ടുന്നു. 40 ദിവസത്തെ പ്രചാരണത്തിനാണ് രാഷ്ട്രീയപാര്‍ട്ടികള്‍ക്ക് സമയം ലഭിക്കുന്നത്.
