പുൽപ്പള്ളി നവംബർ 9,10,11 തീയതികളിൽ പുൽപ്പള്ളി ജയശ്രീ ഹയർ സെക്കൻഡറി സ്കൂളിൽ വച്ച് നടക്കുന്ന ബത്തേരി ഉപജില്ല കലോത്സവത്തിന്റെ ലോഗോ പ്രകാശനം സുൽത്താൻബത്തേരി നിയോജകമണ്ഡലം എംഎൽഎ ഐസി ബാലകൃഷ്ണൻ സ്വാഗതസംഘം ചെയർമാനും പുൽപ്പള്ളി ഗ്രാമപഞ്ചായത്ത് പ്രസിഡണ്ടുമായ ടി എസ് ദിലീപ് കുമാറിന് നൽകിക്കൊണ്ട് പ്രകാശനം ചെയ്തു.മുള്ളൻകൊല്ലി ഗ്രാമപഞ്ചായത്ത് പ്രസിഡണ്ട് പി കെ വിജയൻ അധ്യക്ഷത വഹിച്ചു. പുൽപ്പള്ളി ഗ്രാമപഞ്ചായത്ത് വൈസ് പ്രസിഡണ്ട് ശോഭ സുകു മുഖ്യപ്രഭാഷണം നടത്തി.വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ജോളി നരിതൂക്കിൽ ഗ്രാമപഞ്ചായത്ത് മെമ്പർമാരായ സിന്ധു സാബു ഷിനു കച്ചിറയിൽ ഷൈജു പഞ്ഞിതോപ്പിൽ ശോഭന മുല്ലക്കര ചന്ദ്രബാബു രജിത്ര ബാബുരാജ് സുമ ബിനേഷ് ജയശ്രീ സ്കൂൾ മാനേജർ കെ ആർ ജയറാം എന്നിവർ സംസാരിച്ചു. ലോഗോ തയ്യാറാക്കിയ ഗ്രാഫിക് ഡിസൈനറും ചിത്രകാരനുമായ വി കെ സൂരജ് വാളാടിനെ ചടങ്ങിൽ അനുമോദിച്ചു
