മാനന്തവാടി: കണ്ണോത്തുമല ജിപ്പപകടത്തിൽ മരണപ്പെട്ടവരുടെ കുടുംബത്തിന് സഹായം പ്രഖ്യാപിക്കണമെന്ന് ആവശ്യപ്പെട്ടുകൊണ്ട് തിങ്കളാഴ്ച്ച രാവിലെ മാനന്തവാടി സബ്ബ് കളക്ടർ ഓഫിസിന് മുമ്പിൽ ഐ.എൻ ടി.യു.സി മേഖലാ കമ്മിറ്റിയുടെ നേതൃത്വത്തിൽ ധർണ്ണാ സമരം നടത്തും. ദാരുണമായ സംഭവം നടന്ന് ദിവസങ്ങൾ കഴിഞ്ഞിട്ടും സർക്കാർ സഹായം പ്രഖ്യാപിക്കാത്ത നടപടി വേദകരമാണ്.മരണപ്പെട്ടവരുടെ കുടുംബത്തിന് 10 ലക്ഷം രുപയും പരിക്ക് പറ്റിയവർക്ക് തുടർ ചികിത്സയും ഉറപ്പ് വരുത്തണമെന്ന് ആവശ്യപ്പെട്ടാണ് സമരമെന്ന് മേഖലാ പ്രസിഡണ്ട് പടകുട്ടിൽ ജോർജ് അറിയിച്ചു.
