മാനന്തവാടി: മാനന്തവാടി കേരള സർവീസ് പെൻഷൻ യൂണിൻ മാനന്തവാടി ബ്ലോക്ക് കമ്മിറ്റിയുടെ ആഭിമുഖ്യത്തിൽ അധ്യാപക ദിനാഘോഷം സംഘടിപ്പിച്ചു. മുതിർന്ന അധ്യാപകരെ പൂക്കൾ നല്കിയും പൊന്നാട അണിയിച്ചും സ്വീകരിച്ചാദരിച്ചു.യോഗം ജില്ലാ സംസ്കാരിക സമിതി കൺവീനർ എം ഗംഗാധരൻ ഉദ്ഘാടനം ചെയ്തു.ഇന്ത്യൻ വിദ്യാഭ്യാസം നേരിടുന്ന വെല്ലുവിളികൾ എന്ന വിഷയത്തിൽ വി പി ബാലചന്ദ്രൻ മാസ്റ്റർ പ്രഭാഷണം നടത്തി മാനന്തവാടി ബി ആർ സി ബിപിസി കെ കെ സുരേഷ് ബ്ലോക്ക് പ്രസിഡണ്ട് കെ ജെ ലൂയിസ് എന്നിവർ ആശംസകൾ സംസാരിച്ചു.ഓണാഘോഷത്തിന്റെ ഭാഗമായി നടത്തിയ ഗൃഹാങ്കണപൂക്കള മത്സരത്തിൽ വിജയികളായ ഇ കെ ജയരാജൻ വെള്ളമുണ്ട യൂണിറ്റ് പി.രമ വെള്ളമുണ്ട യൂണിറ്റ് എം.ഐ മോഹനൻ തൊണ്ടർനാട് എന്നിവർക്ക് ബ്ലോക്ക് പ്രസിഡന്റ് കെ.ജെ. ലൂയീസ് സമ്മാനങ്ങൾ നല്കി.
ബ്ലോക്ക് സാംസ്കാരിക സമിതി കൺവീനർ കെ.മോഹൻകുമാർ അധ്യക്ഷത വഹിച്ച യോഗത്തിന് ബ്ലോക്ക് സെക്രട്ടറി കെ.സത്യൻ സ്വാഗതവും ജോ: സെക്രട്ടറി. കെ.ആർ. സദാനന്ദൻ നന്ദിയും പ്രകാശിപ്പിച്ചു.
