ദില്ലി: ദില്ലി വിമാനത്താവളത്തിൽ വൻ സുരക്ഷാവീഴ്ചയെന്ന് കണ്ടെത്തൽ. ലാൻഡിങ്ങിനും ടേക്ക് ഓഫിനും ഒരേ റൺവേയിൽ ഒരേ സമയം അനുമതി നൽകി. വിസ്താര എയർലൈൻസിൻ്റെ അഹമ്മദാബാദ് ദില്ലി വിമാനം ലാൻഡ് ചെയ്ത ശേഷം അതേ റൺവേയിൽ മറ്റൊരു വിമാനത്തിന് ടേക് ഓഫ് അനുമതി നൽകുകയായിരുന്നു. വിസ്താരയുടെ തന്നെ ദില്ലി – ബാഗ്ദോഗ്ര വിമാനത്തിന് ആണ് ടേക് ഓഫ് അനുമതി ലഭിച്ചത്. അഹമ്മദാബാദ് വിമാനത്തിലെ വനിതാ പൈലറ്റിൻ്റെ ജാഗ്രതയിലാണ് വൻ ദുരന്തം ഒഴിവായത്.
