ബാവലി എക്സൈസ് ചെക്ക് പോസ്റ്റിൽ വെച്ച് എക്സൈസ് ഇൻസ്പെക്ടർ ജിജിൽ കുമാറും സംഘവും നടത്തിയ പരിശോധനയിൽ അരക്കിലോ കഞ്ചാവുമായി വന്ന ബൈക്ക് യാത്രികനായ യുവാവിനെ പിടികൂടി.മാനന്തവാടി കെല്ലൂർ പറമ്പൻ വീട്ടിൽ അസീബ് (26) ആണ് പിടിയിലായത്. ഇയാളുടെ കൂടെയുണ്ടായിരുന്ന
കാരക്കാമല പാലച്ചാൽ ആനാണ്ടി വീട്ടിൽ നിബിൻ നിഹാദ് (26) വാഹന പരിശോധനക്കിടെ ഓടി രക്ഷപ്പെട്ടു. ഇയ്യാളെ പിടികൂടുന്നതിനുള്ള നടപടി സ്വീകരിച്ചു വരുന്നതായി എക്സൈസ് അധികൃതർ അറിയിച്ചു.
കഞ്ചാവ് കടത്തിയ കെ എൽ 72 എ 3064 നമ്പർ ബൈക്കും കസ്റ്റഡിയിലെടുത്തു.
വാഹന പരിശോധനയിൽ സിവിൽ ഓഫീസർമാരായ വി കെ സുരേഷ്, അർജുൻ.എം എന്നിവരും പങ്കെടുത്തു
