വെള്ളമുണ്ട:നീർത്തടാധിഷ്ഠിധ പദ്ധതികളെയും മാലിന്യ സംസ്കരണത്തെയും കുറിച്ചുള്ള പൂനയിൽ നടന്ന പരിശീലന പരിപാടിയിൽ പങ്കെടുത്ത് തിരികെ വന്ന വെള്ളമുണ്ട ഗ്രാമപഞ്ചായാത്ത് പ്രസിഡന്റ് സുധി രാധാകൃഷ്ണന് സ്വീകരണം നൽകി.
ജില്ലാ പഞ്ചായത്ത് വെള്ളമുണ്ട ഡിവിഷന്റെ ഉപഹാരം ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ ജുനൈദ് കൈപ്പാണി കൈമാറി.
മടത്തുംകുനി വാർഡ് മെമ്പർ വിജേഷ് പുല്ലോറ അധ്യക്ഷത വഹിച്ചു. സാജിറ.കെ.പി,സ്മിത.കെ.ആർ,ലൗസി.എ.കെ,
ആയിഷ ഫിദ ഇ.കെ,മുഹമ്മദ് ഡാനിഷ് .കെ,സാദിഖ് കമ്പ തുടങ്ങിയവർ സംസാരിച്ചു.
പഴഞ്ചന അംഗൻവാടിയിൽ നടന്ന ചടങ്ങിൽ പൊതു പരീക്ഷയിൽ മികച്ച വിജയം കൈവരിച്ച അംഗൻവാടി പരിധിയിലെ വിദ്യാർത്ഥികളെ അനുമോദിക്കുകയും ചെയ്തു.
