ഗൗരി ഈ പ്രാവശ്യവും തന്റെ പിറന്നാൾ ആഘോഷം വേറിട്ടതാക്കി.ശാസ്താംകോട്ട പൗർണ്ണമിയിൽ രണ്ടാം ക്ലാസുകാരി ഗൗരി എന്ന ഭവികാ ലക്ഷ്മി തന്റെ ഏഴാം പിറന്നാൾ ആഘോഷിച്ചത് ശാസ്താംകോട്ടയിലെ വാനരന്മാർക്കും പക്ഷി മൃഗാദികൾക്കും, പായസവും പഴവർഗങ്ങളും വിതരണം ചെയ്തു കൊണ്ടായിരുന്നു.”ഈ മഴക്കാലത്തു വാനരന്മാർ ആഹാരത്തിനായി പുറത്തിറങ്ങാൻ കഴിയാത്ത ഒരു സാഹചര്യത്തിൽ ഗൗരി തന്റെ പിറന്നാൾ ആഘോഷം അവർക്ക് അന്നമൂട്ടാനായി തെരെഞ്ഞെടുത്തത് വളരെ അഭിനന്ദനാർഹമാണെന്ന് പൊതു പ്രവർത്തകനും മുൻ ഗ്രാമപഞ്ചായത്ത് അംഗം കൂടിയായ എസ്‌ ദിലീപ് കുമാർ അഭിപ്രായപ്പെട്ടു. യുട്യൂബർ കൂടിയായ ഗൗരി തന്റെ കഴിഞ്ഞ പിറന്നാൾ ദിനത്തിൽ കോവിഡ് ട്രീറ്റ്മെന്റ് സെന്ററിലേക്ക് പുസ്തകങ്ങളും സാനിറ്റൈസറും ക്യാരംസ് ഉൾപ്പെടെയുള്ള വിനോദ ഉപാധികളും നൽകിയിരുന്നു.മറ്റൊരു പിറന്നാൾ ദിനത്തിൽ ഒരു ക്യാൻസർ രോഗിക്ക് ലോട്ടറി യൂണിറ്റ് സമർപ്പിച്ചു കൊണ്ടാണ് ആഘോഷിച്ചത്.അധ്യാപകനായ എൽ സുഗതന്റെയും റെവന്യൂ ജീവനക്കാരി അനൂപയുടെയും മകളാണ്. ഭവിൻ സുഗതൻ സഹോദരനാണ്.
