കൽപ്പറ്റ : വയനാട് ജില്ലാ മൊത്തവ്യാപാര സഹകരണ സംഘത്തിലെ ജീവനക്കാരുടെയും ഡയറക്ടർമാരുടെയും എസ്എസ്എൽസി സിബിഎസ്ഇ പരീക്ഷകളിൽ ഉന്നത വിജയം കൈവരിച്ച മക്കളെ സംഘം ഓഫീസിൽ വച്ച് ആദരിച്ചു. സംഘം പ്രസിഡണ്ട് ശ്രീ ഗോകുൽദാസ് കോട്ടയിൽ അധ്യക്ഷത വഹിച്ചു. അഡ്വക്കേറ്റ് ടി സിദ്ദിഖ് എംഎൽഎ ഉദ്ഘാടനം നിർവഹിച്ചു. ഇത്തരം ചടങ്ങുകൾ വിദ്യാർഥികൾക്ക് അവരുടെ പഠനത്തിന് പ്രചോദനമാകുമെന്ന് എംഎൽഎ അഭിപ്രായപ്പെട്ടു. ചടങ്ങിൽ സംഘം വൈസ് പ്രസിഡന്റ് ഇ ബഷീർ, ഡയറക്ടർമാരായ കെ ഡി തോമസ്, ആർ രാമചന്ദ്രൻ, റജീന തോമസ്, എ ഡി ഓമന, ആർ രാജൻ,പി വിനോദ് കുമാർ, ജിമോൻ പി ജെ, പി ഉഷ, കെ കെ യൂസഫ്, രാജി പി ടി, ശ്രീലത എംഎസ് തുടങ്ങിയവർ പ്രസംഗിച്ചു
