കണ്ണൂര്‍: കണ്ണൂരിൽ പെട്രോൾ പമ്പിന് മുൻപിലായി ഓടിക്കൊണ്ടിരിക്കുന്ന ലോറിക്ക് തീപിടിച്ചു. ഇന്നലെ രാത്രി 10 മണിയോടെ യാണ് സംഭവം. കണ്ണൂർ എടക്കാട് ദേശീയപാതയിലാണ് അപകടം ഉണ്ടായത്. തോട്ടട മലബാര്‍ മെറ്റല്‍സ് എന്ന ലോറിക്കാണ് തീപിടിച്ചത്. വടകരയിൽ ഓര്‍ക്കാട്ടേരി ലോഡ് ഇറക്കി മടങ്ങവേ ആയിരുന്നു അപകടം.
എടക്കാട് പെട്രോള്‍ പമ്പിന് മുമ്പില്‍ വച്ച് ബോണറ്റില്‍ നിന്ന് തീ ഉയരുകയും ഉടൻ തന്നെ ആളിപ്പടരുകയുമായിരുന്നു.
നാട്ടുകാരും പൊലീസുകാരും അഗ്‌നി സേന വിഭാഗവും ചേര്‍ന്ന് ലോറിയുടെ തീയണച്ചു. ലോറിയുടെ മുന്‍വശം പൂര്‍ണമായും കത്തി നശിച്ചിരിക്കുകയാണ്.
