Month: March 2022

കൊച്ചി: സംസ്ഥാനത്ത് സ്വര്‍ണ വിലയില്‍ വന്‍ വര്‍ധന. പവന് 480 രൂപ കൂടി 38,360ല്‍ എത്തി. ഗ്രാം വില 60 രൂപയാണ് ഉയര്‍ന്നത്. ഒരു ഗ്രാം സ്വര്‍ണത്തിന്‍റെ വില 4795 രൂപ. രണ്ടു ദിവസം തുടര്‍ച്ചയായി വര്‍ധിച്ച ശേഷം ഇന്നലെ സ്വര്‍ണ വില കുറഞ്ഞിരുന്നു. ഇതിനു പിന്നാലെയാണ് ഇന്നത്തെ വര്‍ധന. യുക്രെന്‍ യുദ്ധാരംഭത്തെ തുടര്‍ന്ന് കുതിച്ചുയര്‍ന്ന സ്വര്‍ണ വില കഴിഞ്ഞ ഏതാനും ദിവസങ്ങളായി കൂടിയും കുറഞ്ഞും തുടരുകയാണ്. വരും ദിവസങ്ങളിലും വില ചാഞ്ചാട്ടം പ്രകടിപ്പിക്കാനാണ് സാധ്യതെന്നാണ് വിപണി […]

മുല്ലപ്പെരിയാർ കേസിൽ സുപ്രീംകോടതിയിൽ വാദംകേൾക്കൽ ഇന്നും തുടരും. കേരളത്തിന്റെ വാദം തന്നെയായിരിക്കും ഇന്നും നടക്കുക. അണക്കെട്ട് സുരക്ഷിതമല്ലെന്നും പുതിയ അണക്കെട്ട് മാത്രമാണ് ശാശ്വത പരിഹാരമെന്നുമാണ് കേരളത്തിന്റെ വാദം.അണക്കെട്ടിന്റെ സുരക്ഷാ പഠനം അന്താരാഷ്ട്ര വിദഗ്ദ്ധർ ഉൾപ്പെട്ട സമിതി നടത്തണമെന്നും കേരളം ആവശ്യപ്പെട്ടിരുന്നു. അണക്കെട്ട് ബലപ്പെടുത്തിയ ശേഷം മതി സുരക്ഷാ പഠനം എന്നതാണ് തമിഴ് നാടിന്റെ നിലപാട്. ജസ്റ്റിസ് എ.എം.ഖാന് വീൽക്കർ അദ്ധ്യക്ഷനായ ബെഞ്ചാണ് കേസില് വാദംകേൾക്കുന്നത്.

മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിയുമായി ഇന്ന് കൂടിക്കാഴ്ച നടത്തും. കെ-റെയിൽ പദ്ധതിയുടെ അനുമതി വേഗത്തിലാക്കുന്നതടക്കമുള്ള വിഷയങ്ങളിലാകും പ്രധാനചർച്ച .പദ്ധതിയുടെ ഇതുവരെയുള്ള പുരോഗതി മുഖ്യമന്ത്രി പ്രധാനമന്ത്രിയെ അറിയിക്കും. ഇതോടൊപ്പം പൊതുമേഖല സ്ഥാപനമായ എച്ച്.എൽ.എൽ ഹെൽത്ത് കെയർ യൂണിറ്റ് ഏറ്റെടുക്കാൻ സംസ്ഥാന സർക്കാരിനെ അനുവദിക്കണം തുടങ്ങിയ ആവശ്യങ്ങളും ഉന്നയിക്കും. എച്ച്.എൽ.എൽ സംസ്ഥാന സർക്കാരിന് ഏറ്റെടുക്കാനാകില്ല എന്നാണ് കേന്ദ്രം ആവർത്തിച്ച് വ്യക്തമാക്കുന്നത്. 2019ന് ശേഷം ഇത് രണ്ടാമത്തെ കൂടിക്കാഴ്ചയാണ് പ്രധാനമന്ത്രി നരേന്ദ്ര മോദിയുമായി മുഖ്യമന്ത്രി പിണറായി വിജയന് നടത്തുന്നത്.