മാനന്തവാടി: മീനം ഒന്നു മുതല്‍ പതിനാല് വരെ നടക്കുന്ന വള്ളിയൂര്‍ക്കാവ് ആറാട്ട് മഹോത്സവത്തിന്റെ മുന്നോടിയായി വാള്‍ എഴുന്നെള്ളിപ്പ് ചടങ്ങ് നടന്നു. ഇന്നലെ വൈകുന്നേരം പാണ്ടിക്കടവ് പള്ളിയറ ഭഗവതി ക്ഷേത്രത്തില്‍ സൂക്ഷിച്ചിട്ടുള്ള വാള്‍ വള്ളിയൂര്‍ക്കാവ് മേല്‍ശാന്തി ശ്രീജേഷ് നമ്പൂതിരിയുടെ നേതൃത്വത്തിലാണ് വാള്‍ എഴുന്നെള്ളിച്ചത്.
ഗജവീരന്റെയും താലപ്പൊലിയുടെയും അകമ്പടിയോടെയായിരുന്നു എഴുന്നെള്ളിപ്പ് ചടങ്ങ് നടന്നത്.ട്രസ്റ്റിമാരായ ഏച്ചോം ഗോപി ,ഇ.പി.മോഹന്‍ദാസ്, ടി.കെ.അനില്‍കുമാര്‍ എക്‌സിക്യുട്ടീവ് ഓഫീസര്‍ സി.വി.ഗിരീഷ് കുമാര്‍ ആഘോഷ കമ്മിറ്റി ഭാരവാഹികളായ വിപിന്‍ വേണുഗോപാല്‍, അശോകന്‍ കൊയിലേരി, സന്തോഷ് ജി നായര്‍, എന്‍.സി.ഗിരീഷ് തുടങ്ങിയവര്‍ നേതൃതം നല്‍കി
