മെഗാ സ്റ്റാർ മമ്മൂട്ടിയുടെ ഭീഷ്മ പർവം നേടുന്ന മെഗാ വിജയം ആഘോഷിക്കുകയാണ് ഇപ്പോൾ മമ്മൂട്ടി ആരാധകർ. മമ്മൂട്ടിയുടെ കരിയറിലെ ഏറ്റവും വലിയ ഹിറ്റ് ആയി മാറിയ ഭീഷ്മ പർവം ഇപ്പോൾ ഒഫീഷ്യൽ ആയിത്തന്നെ അൻപത് കോടി ക്ലബ്ബിൽ ഇടം നേടി എന്ന വാർത്തയാണ് പുറത്തു വരുന്നത്. ആറു ദിവസം കൊണ്ടാണ് അൻപത് കോടി എന്ന നേട്ടത്തിൽ ഭീഷ്മ പർവം എത്തിയത്. അദ്ദേഹത്തിന്റെ ആദ്യത്തെ അൻപത് കോടി ഗ്രോസ്സ് ചിത്രമാണ് ഇത്. വൈശാഖ് ഒരുക്കിയ മധുര രാജ ആയിരുന്നു ഇതുവരെ മമ്മൂട്ടിയുടെ കരിയറിലെ ഏറ്റവും വലിയ ഹിറ്റ്. 45 കോടി ആയിരുന്നു ആ ചിത്രത്തിന്റെ ആഗോള ഗ്രോസ്സ്. ഏറ്റവും വേഗത്തിൽ 50 കോടി നേടിയ മൂന്നാമത്തെ മലയാള ചിത്രം ആണ് ഭീഷ്മ പർവം.
