തിരുവനന്തപുരം: ഒന്നു മുതല് ഒമ്പതു വരെ ക്ലാസ്സുകള്, ക്രഷുകള്, കിന്ഡര് ഗാര്ട്ടനുകള് തുടങ്ങിയവ ഫെബ്രുവരി 14 മുതല് ആരംഭിക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കോവിഡ് അവലോകന യോഗത്തില് തീരുമാനം. പത്ത്, പതിനൊന്ന്, പന്ത്രണ്ട് ക്ലാസ്സുകളും ബിരുദ, ബിരുദാനന്തര ബിരുദ ക്ലാസ്സുകളും ഫെബ്രുവരി ഏഴ് മുതല് ആരംഭിക്കും. പരീക്ഷകള് മുടക്കമില്ലാതെ നടത്തും.
