രാജ്യത്ത് കൊവിഡ് കേസുകളില്‍ വര്‍ധനവ് തുടരുന്നു. ഒന്നര ലക്ഷത്തിലധികം ആളുകള്‍ ആണ് രാജ്യത്ത് കോവിഡ് ബാധിച്ച് ചികിത്സയില്‍ കഴിയുന്നത്. ഒമൈക്രോണ്‍ കേസുകളില്‍ ഉണ്ടാകുന്ന വര്‍ധനവ് ആണ് കൊവിഡ് കേസുകള്‍ വര്‍ധിക്കാന്‍ കാരണം എന്നാണ് കേന്ദ്ര ആരോഗ്യ മന്ത്രാലയത്തിന്റെ വാദം.
ഡല്‍ഹിയില്‍ 4,099 പേര്‍ക്ക് കൂടി രോഗ ബാധ സ്ഥിരീകരിച്ചു. രോഗം വ്യാപിക്കുന്ന പശ്ചാതലത്തില്‍ മഹാരാഷ്ട്ര, ബംഗാള്‍, ഛത്തീസ്ഗഡ്, ഹരിയാന, ഉത്തരാഖണ്ഡ് ഉള്‍പ്പെടെ നിരവധി സംസ്ഥാനങ്ങള്‍ നിയന്ത്രണം വര്‍ധിപ്പിച്ചു. തെരഞ്ഞെടുപ്പ് നടക്കാനിരിക്കുന്ന യുപി, പഞ്ചാബ് സംസ്ഥാനങ്ങളിലും രോഗ വ്യാപനം കൂടുന്നത് രാഷ്ട്രീയ പാര്‍ട്ടികളുടെ പ്രചരണത്തെയും ബാധിക്കുന്നുണ്ട്.
