വനിത ശിശു വികസന വകുപ്പിന്റെ ആഭിമുഖ്യത്തില്‍ സ്ത്രീകള്‍ക്കും പെണ്‍കുട്ടികള്‍ക്കുമെതിരെയുള്ള അതിക്രമങ്ങളും ലിംഗ വിവേചനവും തടയുന്നതിനായി ഓറഞ്ച് ദ വേള്‍ഡ് കാമ്പയിനിന്റെ ഭാഗമായി ഫ്‌ളാഷ് മോബും സ്റ്റിക്കര്‍ പ്രചാരണവും നടത്തി. കല്‍പ്പറ്റ പുതിയ ബസ് സ്റ്റാന്‍ഡില്‍ നടന്ന ചടങ്ങില്‍ ബോധവല്‍ക്കരണ പരിപാടി ജില്ലാ കളക്ടര്‍ എ. ഗീത ഉദ്ഘാടനം ചെയ്തു. സഖി വണ്‍ സ്റ്റോപ്പ് സെന്ററിന്റെ സ്റ്റിക്കര്‍ ബസില്‍ പതിച്ചാണ് കളക്ടര്‍ ഉദ്ഘാടനം ചെയ്തത്. സഖി വണ്‍ സ്റ്റോപ്പ് സെന്ററിന്റെ നേതൃത്വത്തില്‍ ഫ്‌ളാഷ് മോബും നടത്തി. ജില്ലാ ട്രാന്‍സ്‌പോര്‍ട്ട് ഓഫീസര്‍ ടി.കെ പ്രശോഭ്, ജില്ല വനിത സംരക്ഷണ ഓഫീസര്‍ എ.നിസ്സ, വുമണ്‍ വെല്‍ഫെയര്‍ ഓഫീസര്‍ നിഷ വര്‍ഗ്ഗീസ് തുടങ്ങി വിവിധ വകുപ്പ് ഉദ്യോഗസ്ഥര്‍ പങ്കെടുത്തു.
