മാനന്തവാടി: ‘പേരില്‍ മാത്രം ഒതുങ്ങിയ മെഡിക്കല്‍ കോളേജ്’വയനാട് മെഡിക്കല്‍ കോളേജ് ശോചനീയാവസ്ഥ പരിഹരിക്കണമെന്ന് ആവശ്യപ്പെട്ട് കൊണ്ട് യൂത്ത് കോണ്‍ഗ്രസ് നിയോജക മണ്ഡലം കമ്മിറ്റിയുടെ നേതൃത്വത്തില്‍ സൂപ്രണ്ട് ഓഫീസിലേക്ക് മാര്‍ച്ച് സംഘടിപ്പിച്ചു.വളരെ നല്ല രീതിയില്‍ പ്രവര്‍ത്തിച്ചുകൊണ്ടിരുന്ന ജില്ലാ ആശുപത്രിയെ മെഡിക്കല്‍ കോളേജ് ആക്കി മാറ്റിയതോട് കൂടി പ്രവര്‍ത്തനം താളം തെറ്റിയിരിക്കുകയാണെന്നും ഇത് കാരണം പൊതു ജനങ്ങള്‍ പൊറുതിമുട്ടുകയാണെന്നും യൂത്ത് കോണ്‍ഗ്രസ് ആരോപിച്ചു.
