ബാംബോലിം: ഐഎസ്എല്ലിൽ വീണ്ടും 4-2ന്റെ വിജയം. ആദ്യ മത്സരത്തിൽ കേരള ബ്ലാസ്റ്റേ്ഴ്സിനെ എടികെ മോഹൻ ബഗാൻ 4-2ന് തോൽപ്പിച്ചപ്പോൾ അതേ സ്കോറിന് ബെംഗളൂരു എഫ്സി നോർത്ത് ഈസ്റ്റ് യുണൈറ്റഡിനേയും പരാജയപ്പെടുത്തി.
മത്സരത്തിന്റെ 14-ാം മിനിറ്റിൽ ക്ലെയ്റ്റൺ സിൽവയിലൂടെ ബെംഗളൂരു ലീഡെടുത്തു. മൂന്നു മിനിറ്റിനുള്ളിൽ നോർത്ത് ഈസ്റ്റ് തിരിച്ചടിച്ചു. മലയാളി താരം സുഹൈറിന്റെ പാസിൽ ദെശോൺ ബ്രൗൺ ലക്ഷ്യം കണ്ടു.
