ചെന്നൈ: തമിഴ്നാട്ടിലെ ഗൂഡല്ലൂരിൽ പ്രേതഭീതിയെ തുടർന്ന് പൊലീസുകാരൻ ആത്മഹത്യ ചെയ്തു. 33കാരനായ പ്രഭാകരനെയാണ് പൊലീസ് ക്വാർട്ടർസിൽ മരിച്ച നിലയിൽ കണ്ടെത്തിയത്. കല്ലാക്കുറിച്ചി ജില്ലയിലെ പെരുമ്പാക്കം സ്വദേശിയാണ് ഇദ്ദേഹം.
ഇയാൾക്ക് ഭാര്യയും രണ്ടു കുട്ടികളുമുണ്ട്. ഭാര്യ വിഷ്ണുപ്രിയയും കുട്ടികളും അടുത്ത ബന്ധുവിന്‍റെ വിവാഹത്തിന് പോയി മടങ്ങിയെത്തിയപ്പോഴാണ് പ്രഭാകരനെ തൂങ്ങി മരിച്ച നിലയിൽ കണ്ടെത്തുന്നത്.
അയൽവാസികൾ ഗൂഡല്ലുർ സർക്കാർ ആശുപത്രിയിലെത്തിച്ചെങ്കിലും മരിക്കുകയായിരുന്നു. പ്രഭാകരന്‍റെ മൃതദേഹം പോസ്റ്റ്മോർട്ടത്തിനായി അയച്ചു. ഗൂഡല്ലൂർ ന്യൂ ടൗൺ പൊലീസ് കേസെടുത്ത് അന്വേഷണവും ആരംഭിച്ചു.
