മോഹന്‍ലാലിന്റെ മരക്കാര്‍ അറബിക്കടലിന്റെ സിംഹം റിലീസിന് ഒരുങ്ങുന്നത് മലയാളത്തിലെ ബോക്‌സ് ഓഫീസ് റെക്കോഡ് തകര്‍ക്കാന്‍ ലക്ഷ്യമിട്ടാണ്. രണ്ട് വര്‍ഷത്തെ കാത്തിരിപ്പിന് ശേഷം ചിത്രം തിയേറ്ററിലെത്തുമ്പോള്‍ പുലര്‍ച്ചെ തുടങ്ങുന്ന ഫാന്‍സ് ഷോ മുതല്‍ മാരത്തോണ്‍ ഷോകള്‍ വരെയാണ് കേരളത്തിലുടനീളം നടത്താന്‍ തീരുമാനിച്ചിരിക്കുന്നത്. തിരുവനന്തപുരത്തെ ഏരീസ് പ്ലക്‌സ് തിയേറ്ററില്‍ മാത്രം റിലീസ് ദിവസം മരക്കാറിന്റെ 42ല്‍ മുകളില്‍ ഷോകളാണ് നടക്കുക.
രണ്ട് വര്‍ഷം മുന്‍പ് റിലീസ് തീരുമാനിച്ച സിനിമയായിരുന്നു മരക്കാര്‍. പിന്നീട് കൊവിഡ് കാരണം അത് നീണ്ട് പോയി. എന്നിരുന്നാലും മരക്കാര്‍ വേള്‍ഡ് വൈഡായാണ് റിലീസ് ചെയ്യുന്നത്. ചൈനയില്‍ വരെ സിനിമ റിലീസ് ചെയ്യുന്നുണ്ട്.
