ദുല്‍ഖറിനെ നായകനാക്കി താന്‍ സിനിമ ചെയ്താല്‍ മലയാളത്തിലെ ആദ്യ 200 കോടി കളക്ഷന്‍ നേടിയ ചിത്രം പിറക്കുമെന്ന് സംവിധായകന്‍ ഒമര്‍ ലുലു.ഫെയ്‌സ്ബുക്കില്‍ ആരാധകരോട് പ്രതികരിക്കുന്നതിന് ഇടയിലാണ് അദ്ദേഹം ഇക്കാര്യം പറഞ്ഞത്.ഒമര്‍ ലുലു പങ്കുവെച്ച പോസ്റ്റിന് താഴെ ഒരു ആരാധകന്‍ നിങ്ങളും ദുല്‍ഖറും ഒന്നിക്കുമോ എന്ന ചോദ്യവുമായി എത്തി. ‘ഒന്നിച്ചാല്‍ മലയാളത്തില്‍ ആദ്യത്തെ യഥാര്‍ത്ഥ 200 കോടി പിറക്കും’ എന്നായിരുന്നു ഒമര്‍ ലുലുവിന്റെ മറുപടി. ‘രണ്ട് പുതിയ പിള്ളേരെ വെച്ച് 2000 തിയേറ്ററില്‍ സിനിമ ഇറക്കാന്‍ പറ്റിയെങ്കില്‍ ദുല്‍ഖറിനെ പോലെ ഒരു ക്രൗഡ് പുള്ളറെ വെച്ച് 200 കോടി കളക്കറ്റ് ചെയ്യാന്‍ പുഷ്പം പോലെ സാധിക്കും’ എന്നും അദ്ദേഹം അഭിപ്രായപെട്ടു.
