വികസിത രാജ്യങ്ങളിൽ ഉള്ളപോലെ ഗുണനിലവാരമുള്ള വാക്സിൻ നിർമിക്കാനുള്ള സൗകര്യം ഇന്ത്യ പോലുള്ള മൂന്നാം ലോക രാജ്യങ്ങൾക്ക് ഉണ്ടാകില്ലെന്ന ബിൽ ഗേറ്റ്സ്.
ബ്രിട്ടീഷ് ചാനലായ സ്കൈ ന്യൂസിന് നൽകിയ അഭിമുഖത്തിലാണ് ബിൽ ഗേറ്റ്സ് വിവാദ പരാമർശം നടത്തിയത്. കോവിഡ് വാക്സിൻ ഫോർമുല കൈമാറരുതെന്നും അദ്ദേഹം പറഞ്ഞു.കോവിഡ് വാക്സിൻ കൂടൂതലായി നിർമിക്കാൻ മൂന്നാം ലോക രാജ്യങ്ങൾക്ക് ഫോർമുല കൈമാറുന്നതിനെപറ്റിയുള്ള അഭിപ്രായം ചോദിച്ചപ്പോഴാണ് ബിൽഗേറ്റ്സിന്റെ മറുപടി.അമേരിക്കയിലെ ജോൺസൻ ആൻഡ് ജോൺസന്റെ വാക്സിൻ നിർമാണ പ്ലാൻറും ഇന്ത്യയിലെ സംവിധാനങ്ങളും ഗുണനിലവാരത്തിൽ വ്യത്യസ്തമാണെന്നും ബിൽ ഗേറ്റ്സ് പറഞ്ഞു.വാക്സിൻ നിർമാണത്തിന് സൂക്ഷ്മമായ നിരീക്ഷണവും മികച്ച സാങ്കേതിക വിദ്യകളും ആവശ്യമാണ്. മൂന്നാംലോക രാജ്യങ്ങളിൽ ഇത് എത്രത്തോളമുണ്ട് എന്നത് സംശയകരമാണെന്നും ബിൽഗേറ്റ്സ് കൂട്ടിച്ചേർത്തു
