മോഹന്‍ലാലിനെ കുറിച്ചുള്ള സിനിമാ അനുഭവം പങ്കുവെച്ച് നടന്‍ ശ്രീനിവാസന്‍. മോഹന്‍ലാല്‍ നിര്‍മ്മാതാവായി പ്രവര്‍ത്തിച്ചതിനെ കുറിച്ചുള്ള അനുഭവമാണ് ഒരു ടിവി ചാനലുമായുളള അഭിമുഖത്തിൽ ശ്രീനിവാസന്‍ പങ്കുവെയ്ക്കുന്നത്.നടനിൽ നിന്ന് മോഹന്‍ലാല്‍ നിര്‍മ്മാതാവായത് പണത്തോടുള്ള മോഹം കൊണ്ടാണോ എന്ന് തനിക്കറിയില്ലെന്നും ചിലപ്പോള്‍ നല്ല സിനിമകള്‍ ചെയ്യണമെന്ന മോഹം കൊണ്ടു തന്നെയായിരിക്കാം ലാല്‍ നിര്‍മ്മാതാവായതെന്നും ശ്രീനിവാസന്‍ പറഞ്ഞു.എന്നാല്‍ സിനിമ നിര്‍മ്മിച്ച് ലക്ഷക്കണക്കിന് രൂപയാണ് ഈയിനത്തിൽ അദ്ദേഹത്തിന് നഷ്ടമായതെന്നും ശ്രീനിവാസൻ കൂട്ടിച്ചേർത്തു.
