തമിഴ്, തെലുങ്ക് ഇൻഡസ്ട്രികളിൽ ഏറ്റവും തിരക്കേറിയ നടിമാരിൽ ഒരാളാണ് തമന്ന. കോവിഡിൽ നിന്നും മുക്തയായ താരം ഷൂട്ടിംഗ് തിരക്കുകളിലേക്ക് തിരികെ എത്തിയിട്ട് ദിവസങ്ങളെ ആയിട്ടുള്ളൂ. ആഹാ വിഡിയോയിൽ സമന്ത അക്കിനേനി അവതരിപ്പിക്കുന്ന സാം ജാം എന്ന പ്രോഗ്രാമിൽ നടി പറഞ്ഞ ഒരു കാര്യമാണ് ഇപ്പോൾ ആരാധകരുടെ ഇടയിൽ ശ്രദ്ധ നേടിയിരിക്കുന്നത്. പ്രോഗ്രാമിന്റെ പ്രൊമോ വീഡിയോകളിൽ ഒന്നിൽ ഏത് നടനെയാണ് ചുംബിക്കുവാൻ ആഗ്രഹിക്കുന്നത് എന്ന സമന്തയുടെ ചോദ്യത്തിന് വിജയ് ദേവരകൊണ്ടയെ ചുംബിക്കണമെന്നാണ് തമന്ന ഉത്തരം നൽകിയത്. വിജയ്യുമായി ഒരു മീറ്റിങ് ഉടൻ തന്നെ റെഡിയാക്കി തരാമെന്നാണ് സമന്ത അതിന് മറുപടി കൊടുത്തത്.
തെലുങ്ക് ചിത്രങ്ങളായ ദാറ്റ് ഈസ് മഹാലക്ഷ്മി, സീറ്റിമാർ, ഗുർത്തുണ്ട സീതാകാലം, അന്ധാഥുനിന്റെ തെലുങ്ക് റീമേക്ക്, ബോളിവുഡ് ചിത്രം ബോലേ ചുടിയാൻ എന്നീ ചിത്രങ്ങളാണ് തമന്നയുടേതായി അണിയറയിൽ ഒരുങ്ങുന്നത്. വിഘ്‌നേശ് ശിവൻ സംവിധാനം നിർവഹിക്കുന്ന ‘കാതു വാക്കുള രണ്ടു കാതൽ’ എന്ന തമിഴ് ചിത്രത്തിലാണ് സമന്ത ഇനി അഭിനയിക്കുന്നത്. നയൻ‌താര, വിജയ് സേതുപതി എന്നിവരും ഈ ചിത്രത്തിൽ അഭിനയിക്കുന്നുണ്ട്.
