വാട്‌സ്ആപ്പിലൂടെ സിനിമാനടിക്ക് അശ്ലീല വീഡിയോ കോൾ വന്ന സംഭവത്തിൽ മുംബൈ പോലീസ് കേസെടുത്തു. താരം തന്നെ നേരിട്ടെത്തി പോലീസിൽ പരാിത നൽകുകയായിരുന്നു. മുംബൈ വെർസോവ പോലീസ് സ്റ്റേഷനിലാണ് സംഭവത്തിൽ എഫ്‌ഐആർ. രജിസ്റ്റർ ചെയ്തിരിക്കുന്നത്. സംഭവത്തിൽ അന്വേഷണം ആരംഭിച്ചതായി പോലീസ് പറഞ്ഞു.
വെള്ളിയാഴ്ചയാണ് സിനിമ നടിയായ യുവതിക്ക് വാട്‌സ്ആപ്പിൽ അശ്ലീല വീഡിയോ കോൾ വന്നത്. തുടർച്ചയായി രണ്ടുതവണ കോൾ വന്നെങ്കിലും യുവതി കോൾ എഠുത്തിരുന്നില്ല. തുടർന്ന് മൂന്നാംതവണയും കോൾ എടുത്തപ്പോഴാണ് ഒരാൾ സ്വയംഭോഗം ചെയ്യുന്ന ദൃശ്യങ്ങളാണുണ്ടായിരുന്നത്. മൊബൈൽ നമ്പറിനൊപ്പം ബ്രിട്ടനിലെ കൺട്രി കോഡ് ആണ് ഉണ്ടായിരുന്നതെന്ന് യുവതിയുടെ പരാതിയിൽ പറയുന്നു.
