അനാവശ്യ മിഥ്യാധാരണകൾക്കെതിരെ ശക്തമായ ഭാഷയിൽ പ്രതികരിച്ച് ഗായിക ജ്യോത്സ്ന. എല്ലാം തികഞ്ഞ സ്ത്രീ അല്ലെങ്കിൽ പുരുഷന്‍ എന്നതെല്ലാം വെറും സങ്കല്‍പം മാത്രമാണെന്നും അതിലെല്ലാമുപരി സാധാരണ മനുഷ്യരാണ് എല്ലാവരുമെന്നും പറയുകയാണ് ജ്യോത്സ്ന. പൂർണതയുള്ളവർ ആയിരിക്കാനുള്ള സമ്മര്‍ദ്ദം ഒരിക്കലും നിങ്ങളെ നിങ്ങളല്ലാതാക്കരുതെന്ന് ഗായിക പറയുന്നു. എല്ലാം തികഞ്ഞവരായിരിക്കാന്‍ ആർക്കും കഴിയില്ല. എല്ലാം ചെയ്യാന്‍ സാധിച്ചില്ല എന്നു കരുതി ആരും കുറഞ്ഞവരുമല്ല എന്നും ഗായിക വിശദമാക്കി. സമൂഹമാധ്യമത്തിൽ പങ്കുവച്ച ദീർഘമായ കുറിപ്പിലൂടെയാണ് ജ്യോത്സ്ന ഇക്കാര്യങ്ങള്‍ വെളിപ്പെടുത്തിയത്.
