ജോ ബൈഡനെയും കമല ഹാരിസിനെയും അഭിനന്ദിച്ച് പ്രധാനമന്ത്രി നരേന്ദ്രമോദി. വൈസ് പ്രസിഡന്‍റ് ആയിരുന്ന കാലത്തെ മികച്ച പ്രവര്‍ത്തനങ്ങള്‍ ബൈഡന് തുണയായെന്നും ഇന്ത്യ –യു.എസ് ബന്ധം ഊഷ്മളമായി തുടരുമെന്ന് പ്രതീക്ഷിക്കുന്നതായും മോദി പറഞ്ഞു. കമലാ ഹാരിസിന്‍റെ വിജയം അമേരിക്കയിലെ ഇന്ത്യക്കാര്‍ക്ക് അഭിമാനം നല്‍കുന്നതാണെന്നും മോദി ട്വിറ്ററില്‍ കുറിച്ചു. അമേരിക്കന്‍ പ്രസിഡന്റായി തിരഞ്ഞെടുക്കപ്പെട്ട ജോ ബൈഡനെ അഭിനന്ദിച്ച് രാഹുല്‍ ഗാന്ധിയും. അമേരിക്കയെ ഒന്നിപ്പിക്കാനും ദിശാബോധം നല്‍കാനും ബൈഡന് കഴിയുമെന്ന് രാഹുല്‍ ഗാന്ധി ട്വിറ്ററില്‍ കുറിച്ചു
