ഇനി മുതൽ കൊച്ചിയിലെ ഗതാഗത സംവിധാനങ്ങളെല്ലാം ഒരു കുടക്കീഴിലായിരിക്കും. ഗതാഗത സംവിധാനങ്ങളെ ഏകോപിപ്പിക്കാനായി ആവിഷ്കരിച്ച മെട്രോപോളിറ്റൻ ട്രാൻസ്പോർട്ട് അതോറിറ്റിയ്ക്ക് തുടക്കമായി. എറണാകുളം റവന്യു ടവറിൽ നടന്ന പരിപാടിയിൽ ഓണലൈൻ ആയാണ് ഗതാഗത മന്ത്രി എ കെ ശശീന്ദ്രൻ പദ്ധതി ഉദ്ഘാടനം ചെയ്തത്.എംടിഎ നടപ്പിലാക്കുന്ന ഇന്ത്യയിലെ ഒരേയൊരു സംസ്ഥാനമായിരിക്കും കേരളം. ആദ്യഘട്ടത്തിൽ കൊച്ചി കോർപ്പറേഷൻ പരിധിയിലെ പ്രദേശങ്ങൾ ഉൾപ്പെടുത്തിയാണ് അതോറിറ്റി രൂപീകരിക്കുന്നത്. യാത്രക്കാരുടെ സൗകര്യങ്ങൾക്കനുസരിച്ച് ഇഷ്ടാനുസരണം യാത്രാ ഉപാധി ഒരുക്കുക എന്നതാണ് പദ്ധതിയുടെ ഉദ്ദേശം എന്ന് എംടിഎ കമ്മിറ്റി അംഗങ്ങൾ വ്യക്തമാക്കി.
