മക്കഃ നിയന്ത്രണം വിട്ട കാർ മക്ക ഹറം പള്ളിയിലേക്കു പാഞ്ഞുകയറി ബാരിക്കേഡ് തകർത്തു. 24 മണിക്കൂറും വിശ്വാസികളുടെ സാന്നിധ്യമുള്ള പള്ളിയിൽ സംഭവം പരിഭ്രാന്തി സൃഷ്ടിച്ചെങ്കിലും ആർക്കും പരുക്കില്ല.വെള്ളിയാഴ്ച സൗദി സമയം രാത്രി 10.25നായിരുന്നു അപകടം. പള്ളിയുടെ തെക്കു ഭാഗത്ത് അതിവേഗം കുതിച്ചെത്തിയ കാർ നിയന്ത്രണം വിട്ട് വാതിലിൽ ഇടിച്ചു നിൽക്കുകയായിരുന്നു. സുരക്ഷാ ഉദ്യോഗസ്ഥർ ഡ്രൈവറെ അറസ്റ്റ് ചെയ്തു. ഇയാൾക്കു മാനസിക അസ്വാസ്ഥ്യമുണ്ടെന്നു പൊലീസ് സൂചിപ്പിച്ചു. അപകടത്തിന്റെ സിസിടിവി ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. ഡ്രൈവറെ പ്രോസിക്യൂഷനു കൈമാറിയിട്ടുണ്ട്
