ഇന്ത്യയിൽ പൗരത്വം ഭേദഗതി നിയമം ഉടൻ നടപ്പിലാക്കുമെന്ന് ബി.ജെ.പി ദേശീയ അധ്യക്ഷൻ ജെ.പി നദ്ദ. കോവിഡ് മഹാമാരിയുടെ പശ്ചാത്തലത്തിലാണ് നിയമം നടപ്പിലാക്കുന്നത് വൈകിയതെന്നും നദ്ദ പറഞ്ഞു.ബംഗാളിൽ പൊതുജന സംവാദത്തിൽ സംസാരിക്കുകയായിരുന്നു അദ്ദേഹം. പൗരത്വനിയമം പാർലമെന്റിൽ പാസായതാണ്. നിങ്ങൾക്കെല്ലാവർക്കും നിയമത്തിന്റെ പ്രയോജനം ലഭിക്കും. അതിനായി തങ്ങൾ പ്രതിജ്ഞാബദ്ദരാണ്.
