അമ്മ സംഘടനയില്‍ നിന്ന് നടി പാര്‍വ്വതി രാജിവെച്ച വിഷയത്തില്‍ പ്രതികരണവുമായി കെ.ബി ഗണേഷ് കുമാര്‍ എം.എല്‍എ. എന്തും പറയാനും രാജിവെക്കാനുമൊക്കെ ഓരോരുത്തര്‍ക്കും സ്വാതന്ത്ര്യമുണ്ടെന്ന് ഗണേഷ് കുമാര്‍ പറഞ്ഞു.
അമ്മ സംഘടന ആരുടെയും അവസരങ്ങള്‍ ഇല്ലാതാക്കിയിട്ടില്ലെന്നും നടന്‍, ‘സംഘടന ആരെയും വിളിച്ച് അവസരം കൊടുക്കരുതെന്നും പറയില്ല, അതൊക്കെ വെറുതെ പറയുകയാണ്. മോഹന്‍ലാലിനെ പോലെ മമ്മൂട്ടിയെ പോലെ ഇന്നസെന്റിനെ പോലുള്ള ആളുകളൊക്കെ ആരെയെങ്കിലും വിളിച്ച് ചാന്‍സ് കൊടുക്കരുതെന്നൊക്കെ പറയുമോ?’.
‘ഇന്ത്യയില്‍ ഒരു നല്ല ഭരണഘടനയുണ്ട്, അതനുസരിച്ച് ആര്‍ക്കും ആരെയും എന്തും പറയാം, മനസില്‍ തോന്നുന്ന കാര്യങ്ങള്‍ പ്രകടിപ്പിക്കാം. അതൊന്നും ചോദ്യം ചെയ്യാന്‍ നമുക്ക് അധികാരമില്ല’, ഗണേഷ് കുമാര്‍ പറഞ്ഞു.
