സാഹിത്യത്തിനുള്ള 2020ലെ നൊബേല്‍ പുരസ്‌കാരം അമേരിക്കന്‍ കവയത്രി ലൂയീസ് എലിസബത്ത് ഗ്ലക്കിന്. പുലിറ്റ്‌സര്‍ പുരസ്‌കാരം, നാഷണല്‍ ഹ്യുമാനിറ്റീസ് മെഡല്‍, നാഷണല്‍ ബുക്ക് അവാര്‍ഡ് തുടങ്ങി നിരവധി പുരസ്‌കാരങ്ങള്‍ നേടിയിട്ടുള്ള കവിയാണ് ലൂയീസ് ഗ്ലക്ക്. വ്യക്തിയുടെ അസ്തിത്വത്തെ സര്‍വ്വലൗകികമാക്കുന്ന, തീക്ഷ്ണ സൗന്ദര്യമാര്‍ന്ന, സ്പഷ്ടമായ കാവ്യാത്മക ശബ്ദത്തിനാണ് പുരസ്‌കാരം നല്‍കുന്നതെന്ന് നൊബേല്‍ പ്രഖ്യാപിച്ചു കൊണ്ട് സ്വീഡിഷ് അക്കാദമി പറഞ്ഞു.
