കൽപ്പറ്റഃ മഹാത്മാ ഗാന്ധിയുടെ കേരള സന്ദർശനം നൂറാം വാർഷിക ആഘോഷങ്ങളുടെ ഭാഗമായി, പഞ്ചായത്ത്‌ പ്രസിഡന്റ്സ്‌ അസോസിയേഷൻ, ജില്ലാ ലൈബ്രറി കൗൺസിൽ, പച്ചപ്പ്‌ പദ്ധതി എന്നിവരുടെ സംയുക്തആഭിമുഖ്യത്തിൽ “ഇന്ത്യൻ ജനാധിപത്യം നേരിടുന്ന വെല്ലുവിളികൾ “എന്ന വിഷയത്തിൽ വെബ്ബിനാർ നടത്തി. കേരള മുഖ്യമന്ത്രി ശ്രീ. പിണറായി വിജയൻ പരിപാടി ഉദ്ഘാടനം ചെയ്തു. കൽപ്പറ്റ നിയോജകമണ്ഡലം എം. എൽ. എ. സി. കെ. ശശീന്ദ്രൻ അദ്ധ്യക്ഷത വഹിച്ചു. സാംസ്ക്കാരിക വകുപ്പ് മന്ത്രി എ. കെ. ബാലൻ,പ്രതിപക്ഷ നേതാവ് രമേശ്‌ ചെന്നിത്തല എന്നിവർ മുഖ്യ പ്രഭാഷണം നടത്തി.എം. വി. ശ്രേയാംസ് കുമാർ. എം. പി, ജില്ലാ പഞ്ചായത്ത്‌ പ്രസിഡന്റ്‌ കെ. ബി. നസീമ എന്നിവർ ആശംസകൾ നേർന്നു. ഗാന്ധിജി സന്ദർശനം നടത്തിയ മടക്കിമലയിൽ നടത്തിയ ജില്ലാ തല പരിപാടിയിൽരാഷ്ട്രീയ, സാമൂഹിക, സാംസ്ക്കാരിക രംഗത്തെ പ്രമുഖർ പങ്കെടുത്തു. ജില്ലയിലെ പഞ്ചായത്ത്‌, നഗരസഭ, ലൈബ്രറികൾ എവിടങ്ങളിലും വെബിനാറിന് പ്രത്യേക സൗകര്യങ്ങൾ ഒരുക്കിയിരുന്നു. പരിപാടി യുടെ സംഘാടക സമിതി കൺവീനർ പി. എം. നാസർ സ്വാഗതവും, ജില്ല ലൈബ്രറി കൗൺസിൽ സെക്രട്ടറി പി. കെ. സുധീർ നന്ദിയും പറഞ്ഞു. ✍️
