ഒമാനിലെ കോടതികളില്‍ പ്രവാസി അഭിഭാഷകർക്ക് വിലക്കേർപ്പെടുത്തി. മന്ത്രിസഭയുടെ നിര്‍ദേശപ്രകാരമാണ് തീരുമാനമെടുത്തതെന്ന് മന്ത്രാലയം പുറത്തിറക്കിയ പ്രസ്താവനയില്‍ പറയുന്നു. ‘ഒമാനിലെ സുപ്രീംകോടതി ഉള്‍പ്പെടെ വിവിധ കോടതികളില്‍ രജിസ്റ്റര്‍ ചെയ്തിട്ടുള്ള പ്രവാസി അഭിഭാഷകര്‍ക്ക് കോടതികളില്‍ ഹാജരാകാനോ വാദിക്കാനോ പാടില്ല’ എന്നാണ് പ്രസ്താവനയിൽ പറയുന്നത്. ഇതുപ്രകാരം, 2020 ഡിസംബര്‍ 31 ന് ശേഷം ഒമാനിലെ ഒരു കോടതികളിലും പ്രവാസി അഭിഭാഷകരെ ഹാജരാകാനോ വാദിക്കാനോ അനുവദിക്കില്ല.
