മദ്യലഹരിയില്‍ അമിതവേഗതയില്‍ വാഹനമോടിച്ചുണ്ടായ അപകടത്തെ തുടര്‍ന്ന് മാധ്യമപ്രവര്‍ത്തകന്‍ കെഎം ബഷീര്‍ കൊല്ലപ്പെട്ട കേസില്‍ ശ്രീറാം വെങ്കിട്ടരാമന്‍ ഐഎഎസിന് കോടതിയുടെ അന്ത്യശാസനം. കോടതിയില്‍ നേരിട്ട് ഹാജരാകാനാണ് കര്‍ശനനിര്‍ദേശം നല്‍കിയത്. അടുത്തമാസം 12 ന് ശ്രീറാം നേരിട്ട് കോടതിയിലെത്തണം. മുന്‍പ് മൂന്ന് തവണ നിര്‍ദേശിച്ചിട്ടും ശ്രീറാം കോടതിയില്‍ എത്തിയിരുന്നില്ല. രണ്ടാം പ്രതി വഫ ഫിറോസ് മജിസ്‌ട്രേട്ട് കോടതി -3 ല്‍ ഹാജരായി ജാമ്യമെടുത്തിരുന്നു.
