ചെന്നൈഃ നികുതിവെട്ടിപ്പ് നടത്തിയെന്ന ഇന്‍കം ടാക്‌സ് വിഭാഗത്തിന്റെ അപ്പീലില്‍ സംഗീതജ്ഞന്‍ എആര്‍ റഹ്മാന് നോട്ടീസയച്ച് മദ്രാസ് ഹൈക്കോടതി. നികുതിയൊഴിവാക്കുന്നതിനായി തന്റെ പേരിലുള്ള ചാരിറ്റബിള്‍ ട്രസ്റ്റിലേക്ക് എആര്‍ റഹ്മാന്, പ്രതിഫലമായി ലഭിച്ച 3.47 കോടി രൂപ വകമാറ്റിയെന്നാണ് ആരോപണം. 2011-12 സാമ്പത്തികവര്‍ഷം യു.കെ ആസ്ഥാനമായ ലിബ്ര മൊബൈല്‍സിനുവേണ്ടി റിംഗ്‌ടോണുകള്‍ ഒരുക്കിയതിന് ലഭിച്ച പ്രതിഫലം, കമ്പനിയെക്കൊണ്ട് തന്റെ ട്രസ്റ്റിന്റെ അക്കൗണ്ടിലേക്ക് അയപ്പിച്ചെന്ന് ആദായനികുതി വിഭാഗം സീനിയര്‍ സ്റ്റാന്‍ഡിംഗ് കോണ്‍സല്‍ ടിആര്‍ സെന്തില്‍ വ്യക്തമാക്കി.
