കൊവിഡ് 19 അവലോകന യോഗത്തിനിടെ ബെഡ്ഡുകളുടെ അപര്യാപ്തത ചൂണ്ടിക്കാട്ടിയ ഡോക്ടറുടെ അറസ്റ്റിനും സസ്‌പെന്‍ഷനും ഉത്തരവിട്ട് കളക്ടറുടെ ക്രൂരത. ആന്ധ്രപ്രദേശിലെ ഗുണ്ടൂര്‍ ജില്ലയിലാണ് സംഭവം. ഡോ. സോംലു നായികിനെ അറസ്റ്റ് ചെയ്യാന്‍ ഗുണ്ടൂര്‍ കളക്ടര്‍ സാമുവല്‍ ആനന്ദ് കുമാറാണ് ഉത്തരവിട്ടത്. നന്ദേണ്ട്‌ല പ്രൈമറി ഹെല്‍ത്ത്‌കെയര്‍ സെന്ററിന്റെ ചുമതലയുള്ള മെഡിക്കല്‍ ഓഫീസറാണ് ഡോ. സോംലു. നാര്‍സറാവോപേട്ട് ടൗണ്‍ ഹാളില്‍ വ്യാഴാഴ്ച നടന്ന കൊവിഡ് അവലോകനയോഗത്തിനിടെയായിരുന്നു നാടകീയ രംഗം നടന്നത്
